Betong

Kena 2hb July arinya aku, Talk in Riddle (Nana), sereta mummy aku bisi ke Betong laban ngulu ka auntie aku ke enggau urang nerima Pingat Perkhidmatan Setia ba Dewan Sukan Datuk Amar Stephen Kalong Ningkan. Kami duai Nana semina nyadi driver aja, ke bendar antara kami duai meh nyadi "tetamu" ke enggau auntie aku, tang kami duai enggai. Laban gerenti boring duduk dunga-dunga aja dalam majlis nya! So, ka pan enda mummy aku meh minta cuti, nganti kami duai ke sama bela enggai.

Pukul 5 pagi dah mupuk ari Sarikei laban ngetu di Saratok ngambi auntie aku. Ya ga aku laun endar tinduk malam nya, ka tiga jam aja aku tinduk. Mata ngumba amat enggai tinduk tumu. Nasib ga ukai aku driba, tang on the way kin enggai ga mata aku lelap dalam kerita. Cukup ngumba lekamata! Acuk baru nemu!

Mayuh amat ga bala pusun bala sebelah jalai tunga menua Saratok. Bisi 5 - 6 buah dipansa kami mayanya. Stidi!

Dalam 7.30 pagi datai di Betong, tang bisi dalam sepuluh minit begiga ke dini alai dewan sukannya. Enda lengkap address diberi ba dalam surat, semina madah ka nama dewan. Ukainya semua urang nemu dini dewannya, tajapan Pasar Betong nya enda besai. Nasib ga ujung-ujung ditemu, semak enggau Kompleks Kerajaan Negeri Betong!

Bedau mayuh urang datai maya tu. Ergh, gap magang-magang urang! Ni ke bekena kebaya, ni ke bekena kot.


Dalam 10.20 pagi, benung kami duai Nana ngetu ba bus stop ba Kompleks Kerajaan Negeri Betong, lalu datai ga helikopter mai YAB Pehin Seri Haji Abdul Taib Mahmud, lalu landing ba helipad Kompleks Kerajaan Negeri Betong.

Laban boring kelalu lama nganti pengawa sida auntie aku abis, kami duai Nana lalu segau-segau ba Pasar Betong. Baru nemu aku ba Betong bisi Kolej Komuniti. Suba aku kia, dalam taun 2005 bedau bisi kolej nya.

Makai kueh tiaw goreng ba kedai kupi semak Kolej Komuniti. Gamal mee nya tak enda menyana, tambah ga pinggai plastik dikena nyau simbing! Tang asai mee ya boleh tahan nyamai...

ABC Special pan nyamai ga sepi aku. Ipak enggau rega ya RM1.50 aja rega segelas. Hehe! Enda nyamai amat ga makai ba kedai nya, mata urang ke dalam kedai kupi nya merening nyau baka kami duai tu bisi tanduk ba kening. Berupai amat kami tu urang datai pia? *Rising-rising*

Dah tembu ngisi perut, kononnya tadi ka melawat Fort Lily tang enda dibuka ngagai bala mayuh. Kenu ko jaku ka nyadi "pelancong" enda lama ba menua Betong.

Neh, ditutup sereta dikunci urang pintu masuk ke Fort Lily. Nadai ko enggau ya meh, ki' ni' aku enda puni! Haha...

Pingat Perkhidmatan Setia kena taun 2009. 37 taun auntie ku kerja (taun 2007 ya pencen) baru bulih tu. Taun 2004 mummy ku nerima pingat ke sama ba Miri (pencen taun 2011 ila). Daddy ku udah nerima surat madah ke ia bulih pingat tu mega, tang sampai saritu lalu bedau dikangau nerima nya. Enda meh nya ko ya ga! Keciwa aja bunyi, ya madah enti ya udah pencen, enggai ya nurun nerima nya ila (taun 2012 ia pencen).

Goodie bag diberi ngagai penerima pingat. Kira ka dalam 12.30 p.m. majlis tu abis, kami pan lalu ngetu enda lama di Market ba Betong laban auntie aku ka meli manuk tuai 3 iko. Udahnya lalu pulai ke Saratok, irau ke bala manuk nya mati! Enda sempat meh betemu enggau kawan sama sekula suba. Bisi bejanji deka betemu, tang laban pagi kawan kami duai nya ngajar. Enda ngawa, dudi ari ila ga betemu.
Datai di Saratok, ujan naka pengelebat! Enda entu dipeda jalai maya driving. Kami duai Nana lalu pulai ke Sarikei malam nya ga, tang mummy ku bemalam sampai ari minggu laban ia ka ngasuh urang nebas tanah ungkup ya, kena bekebun. Endur nanam buah ko ia.

P/s: 5 jam kami duai Nana segau-segau di Pasar Betong, urang di pasarnya pan leju meh meda mua kami duai belama mansa sesebelahnya! Haha...